- Lyrics
- Album list
南面而歌
-
南島悲歌
《南島悲歌》Lâm-tó Pi-kua 林志立 Lîm Tsì-li̍p ------------------------------------------ 佇山的這爿 tī suann ê tsit pîng 會當聽著土地 ē-tàng thiann-tio̍h thóo-tē 喘氣的聲音 tshuán-khuì ê siann-im 佇海的這爿 tī hái ê tsit pîng 咧振動的 teh tín-tāng--ê 是咱故鄉的心 sī lán kòo-hiong ê sim
佇天的這爿 tī thinn ê tsit pîng 會當感受著 ē-tàng kám-siū tio̍h 阿母的溫柔 a-bú ê un-jiû 佇心的這爿 tī sim ê tsit pîng 身軀咧流的 sin-khu teh lâu--ê 是遮清氣的雨水 sī tsiah tshing-khì ê hōo-tsuí
今仔日 kin-á-ji̍t 你欲攑針共攕落去 lí beh gia̍h tsiam kā tshiám--lo̍h-khì 較懸的山 khah kuân ê suann 嘛會倒落去 mā ē tó--lo̍h-khì 今仔日 kin-á-ji̍t 你欲攑刀共破予開 lí beh gia̍h to kā phuà hōo khui 較深的海 khah tshim ê hái 血嘛流袂離 hueh mā lâu bē-lī
佇山的彼爿 tī suann ê hit-pîng Find more lyrics at ※ Mojim.com 只有聽著 tsí-ū thiann-tio̍h 飛行機起飛的聲音 hue-lîng-ki khí-pue ê siann-im 佇海的彼爿 tī hái ê hit-pîng 咧振動的 teh tín-tāng--ê 是出帆漁船的引擎 sī tshut-phâng hî-tsûn ê e̋n-jín
佇天的彼爿 tī thinn ê hit-pîng 使人驚惶的 sú lâng kiann-hiânn--ê 是咱政府官員的表情 sī lán tsìng-hú kuann-uân ê piáu-tsîng 佇心的彼爿 tī sim ê hit-pîng 目屎咧流的 ba̍k-sái teh lâu--ê 是攏無魚仔的溪水 sī lóng bô hî-á ê khe-tsuí
今仔日 kin-á-ji̍t 你欲攑針共攕落去 lí beh gia̍h tsiam kā tshiám--lo̍h-khì 所流的血水 sóo lâu ê hueh-tsuí 無夠你啉兩喙 bô-kàu lí lim nn̄g-tshuì 今仔日 kin-á-ji̍t 你欲攑刀共破予開 lí beh gia̍h to kā phuà hōo khui 阿母的肉 a-bú ê bah 予你割去賣錢 hōo-lí kuah khì bē-tsînn
今仔日 kin-á-ji̍t 請你手下留情 tshiánn lí tshiú-hā liû-tsîng
- Special thanks to W.B. Chen for sharing the lyric.
- Related Links: W.B. Chen
|