- Lyrics
- Album list
- Singer Intro
洪一峰
-
賣菸的姑娘
對面的賣菸的姑娘 愛嬌的招牌好模樣 人若去買煙彼個態度 甲人無親像 就是彼對黑目睭 引阮暝日想 所以阮早暗攏去買煙 順便解消憂愁
每日來買煙彼個人 看起來少年人活動 不過來買煙彼個態度 甲人無相同 到底煙敢彼呢香 暝日不願放 最好笑就是若來買煙 面色會來反紅
想起來姑娘有趣味 彼當時對阮格皮皮 現在也已經知阮心意 時常笑微微 想要請問伊的名字 跑去伊身邊 看著阮隨時提煙出來 又擱不敢問伊
欠錢項五工無買煙 無看見姑娘心憂悶 伊一定不知阮來想伊 歸暝攏無睏 我也少年伊青春 誰人敢議論 無出門歸日想東想西 眠夢甲伊結婚
每日來買煙彼個人客倌 到底是為著什因單 四五日無來不知無暇 也是感風寒 害阮心頭批博彈 感覺真無伴 在店面歸暝想來想去 銀票煞加拆破
女:啊你是到底為按怎 男:因為著身體沒快活 女:阮不知擱是你去出外 男:是彼囉感風寒 所以咱才無來相看 大家真無伴 新樂園一包給我 女:多謝人客倌
(阿嘟..不 不 .. 彼囉 彼囉..)
------------------------------------------
《賣薰的姑娘》Bē-hun ê Koo-niû 洪一峰Âng It-hong
男) 對面的賣薰的姑娘 tuì-bīn ê buē-hun ê koo-niû 愛嬌的招牌好模樣 ài-kiau ê tsiau-pâi hó bôo-iūnn 人若去買薰 lâng nā khì bué hun 彼個態度 hit ê thāi-tōo 佮人無親像 kah lâng bô tshin-tshiūnn 就是彼對烏目睭 tsiū-sī hit tuì oo ba̍k-tsiu 引阮暝日想 ín gún mî-ji̍t siūnn 所以阮 sóo-í gún 早暗攏去買薰 tsá-àm lóng khì bué hun 順便解消憂愁 sūn-piān kái-siau iu-tshiû
女) 每日來買薰彼個人 muí-ji̍t lâi bé hun hit ê lâng 看起來少年人活動 khuànn--khí-lâi siàu-liân lâng ua̍h-tāng 毋過來買薰 m̄-koh lâi bé hun 彼個態度 hit ê thāi-tōo 佮人無相仝 kah lâng bô sio-kāng 到底薰敢遐爾芳 tàu-tué hun kám hiah-nī phang 每日毋願放 muí-ji̍t m̄-guān pàng 最好笑 tsuè hó-tshiò 就是若來買薰 tsiū-sī nā lâi bé hun 面色會來反紅 bīn-sik ē lâi huán-âng
男) 想起來 siūnn--khí-lâi 姑娘有趣味 koo-niû ū tshù-bī 彼當時對阮 hit-tang-sî tuì gún 激皮皮 kik phî-phî 現在也已經知阮心意 hiān-tsāi iā í-king tsai gún sim-ì 時常笑微微 Find more lyrics at ※ Mojim.com sî-siông tshiò bî-bî 想欲請問伊名字 siūnn-beh tshiánn-mn̄g i miâ-jī 走去伊身邊 tsáu-khì i sin-pinn 看著阮 khuànn-tio̍h gún 隨時提薰出來 suî-sî the̍h hun tshut-lâi 又閣毋敢問伊 iū-koh m̄-kánn mn̄g i
男) 欠錢項 khiàm tsînn-hāng 五工無買薰 gōo-kang bô bué hun 無看見姑娘 bô khuànn-kìnn koo-niû 心憂悶 sim iu-būn 伊一定 i it-tīng 毋知阮來想伊 m̄-tsai gún lâi siūnn i 規暝攏無睏 kui-mî lóng bô khùn 我猶少年 guá iáu siàu-liân 伊青春 i tshing-tshun 啥人敢議論 siánn-lâng kánn gī-lūn 無出門 bô tshut-mn̂g 規日想東想西 kui-ji̍t siūnn-tang-siūnn-sai 眠夢佮伊結婚 bîn-bāng kah i kiat-hun
女) 每日來買薰彼個人客倌 muí-ji̍t lâi bé hun hit ê lâng-kheh-kuann 到底是為著啥因端 tàu-té sī uī-tio̍h siánn in-tuann 四五日無來 sì-gōo ji̍t bô lâi 毋知無閒 m̄-tsai bô-îng 抑是感風寒 ia̍h-sī kám hong-kuânn 害阮心頭嗶噗彈 hāi gún sim-thâu pit-pok tuânn 感覺真無伴 kám-kak tsin bô-phuānn 在店裡 tsāi tiàm--lí 規暝想來想去 kui-mî siūnn-lâi siūnn-khì 銀票煞共拆破 gûn-phiò suah kā thiah-phuà
女) 啊~你是到底為按怎 ah~ lí sī tàu-tué uī án-tsuánn 男) 因為著身體無快活 in-uī tio̍h sin-thé bô khuìnn-ua̍h
女) 阮毋知 gún m̄-tsai 叫是你去出外 kiò-sī lí khì tshut-guā
男) 是彼號感風寒 sī hit-lō kám hong-kuânn 所以咱才無來相看 sóo-í lán tsiah bô lâi siong-khuànn 大家真無伴 tāi-ke tsin bô-phuānn 新樂園一包予我 Sin-lo̍k-hn̂g tsi̍t-pau hōo guá
↓↓---(口白)---↓↓ 女) 多謝人客倌 to-siā lâng-kheh-kuann 男) 唅 hannh! 啊都 ah to... 無無 bô, bô... 彼號 彼號 hit-lō..., hit-lō... ↑↑---(口白)---↑↑
- Special thanks to W.B. Chen for sharing the lyric.
- Related Links: W.B. Chen
|