- Album Intro
- Lyrics
- Album list
- Singer Intro
張涵雅
-
幸福無尾站
Lyricist:丁津、張涵雅 Hanya Composer:水颯、芮姬奈 Regina、賴宛均 Boss
誰佇青春 藏一條 白頭鬃 原來時間 無聲無息 來戲弄 一路上 風吹雨淋 換來 老人斑 每年慶祝 總是許願 世界平安
幸福車幫 遐爾慢 一站一站 人海茫茫 上車落車 攏免相送
聽講 人生啊 八九十 不如意 但是 看過的風景 獨一無二 親像 阮食過 每一喙 所有滋味 酸甜苦澀 攏體會 才知 珍惜人生
我沿路行 沿路看 車窗外 原來時間 過了準煞 無較縒 一路上 欲來的來 去的去 袂拖沙 點點滴滴 藏佇心肝 享受孤單
幸福車幫 遐爾慢 一站一站 人海茫茫 上車落車 攏免相送
像阮 這款人 行到今 回頭望 想著 嘛好氣 嘛好笑 若做眠夢 毋過 對將來 我期待 攏真簡單 自由 自在 過平凡 生活
人講 人生啊 八九十 不如意 但是 看過的風景 獨一無二 親像 阮食過 每一喙 所有滋味 酸甜苦澀 攏體會 才知
幸福車幫 我 是行過的人 無尾站 幸福車幫 你 是行過的人 無尾站
誰佇青春 藏一條 白頭鬃 食飽睏好 幸福日子 現此時
------------------------------------------
18089/《幸福無尾站》Hīng-hok Bô Bué-tsām 張涵雅Tiunn Hâm-ngá
誰咧青春 siáng teh tshing-tshun 藏一條白頭鬃 tshàng tsi̍t-tiâu pe̍h thâu-tsang 原來時間 guân-lâi sî-kan 無聲無說來戲弄 bô-siann-bô-sueh lâi hì-lāng 一路上風吹雨淋 tsi̍t-lōo-siōng hong tshue hōo lâm 換來老人斑 uānn lâi lāu-lâng-pan 每年慶祝 muí-nî khìng-tsiok 總是下願世界平安 tsóng--sī hē-guān sè-kài pîng-an
幸福車幫遐爾慢 hīng-hok tshia-pang hiah-nī bān 一站一站 tsi̍t-tsām-tsi̍t-tsām 人海茫茫 jîn-hái bâng-bâng 上車落車 tsiūnn-tshia lo̍h-tshia 攏免相送 lóng bián sio-sàng
聽講人生啊 thiann-kóng jîn-sing--ah 八九十不如意 peh-káu-tsa̍p put-jû-ì 但是看過的風景 tān-sī khuànn--kuè ê hong-kíng 獨一無二 to̍k-it-bû-jī 親像 tshin-tshiūnn 阮食過每一喙 gún tsia̍h--kuè muí tsi̍t-tshuì 所有滋味 sóo-ū tsu-bī 酸甜苦澀攏體會 sng-tinn khóo-siap lóng thé-huē 才知珍惜人生 tsiah tsai tin-sioh jîn-sing Find more lyrics at ※ Mojim.com
我沿路行 guá iân-lōo kiânn 沿路看車窗外 iân-lōo khuànn tshia-thang guā 原來時間過了準煞 guân-lâi sî-kan kuè-liáu tsún-suah 無較縒 bô-khah-tsua̍h 一路上 tsi̍t-lōo-siōng 欲來的來 beh lâi--ê lâi 去的去 khì--ê khì 袂拖沙 buē thua-sua 點點滴滴藏佇心肝 tiám-tiám-tih-tih tshàng tī sim-kuann 享受孤單 hiáng-siū koo-tuann
幸福車幫遐爾慢 hīng-hok tshia-pang hiah-nī bān 一站一站 tsi̍t-tsām-tsi̍t-tsām 人海茫茫 jîn-hái bâng-bâng 上車落車 tsiūnn-tshia lo̍h-tshia 攏免相送 lóng bián sio-sàng
像阮這款人 tshiūnn gún tsit khuán lâng 行到今 kiânn kàu-tann 回頭望 huê-thâu bāng 想著嘛好氣 siūnn-tio̍h mā hó-khì 嘛好笑 mā hó-tshiò 若做眠夢 ná tsuè bîn-bāng 毋過對將來 m̄-koh tuì tsiong-lâi 我期待 guá kî-thāi 攏真簡單 lóng tsin kán-tan 自由自在 tsū-iû-tsū-tsāi 過平凡生活 kuè pîng-huân sing-ua̍h
人講人生啊 lâng kóng jîn-sing--ah 八九十不如意 peh-káu-tsa̍p put-jû-ì 但是看過的風景 tān-sī khuànn--kuè ê hong-kíng 獨一無二 to̍k-it-bû-jī 親像 tshin-tshiūnn 阮食過每一喙 gún tsia̍h--kuè muí tsi̍t-tshuì 所有滋味 sóo-ū tsu-bī 酸甜苦澀攏體會 sng-tinn khóo-siap lóng thé-huē
才知幸福車幫 tsiah tsai hīng-hok tshia-pang 我是行過的人 guá sī kiânn--kuè ê lâng 無尾站 bô bué-tsām 幸福車幫 hīng-hok tshia-pang 你是行過的人 lí sī kiânn--kuè ê lâng 無尾站 bô bué-tsām
誰咧青春 siáng teh tshing-tshun 藏一條白頭鬃 tshàng tsi̍t-tiâu pe̍h thâu-tsang 食飽睏好 tsia̍h pá khùn hó 幸福日子 hīng-hok ji̍t-tsí 現此時 hiān-tsú-sî
- Special thanks to W.B. Chen for correcting the lyric.
- Related Links: W.B. Chen
|